SEJARAH NI MATITI

OLEH

RACHMAN TUA MUNTHE

       Anggo na huboto sejarah ni Matiti marharoroan sian MANITI ARI do. Matiti do parjolo huta na ribur (kota) ido asa adong Balerong di Onan Tungkup (sanga dope huingot adong dua balerong) di Matiti. Huta Matiti inganan ni angka raja maniti ari (= manontuhon parbagi ni angka partingkian) jala najolo adong do batu somong di Matiti inganan ni jolma manolon (bersumpah) molo sintong do ibana mangolu ma alai molo margabus di atas batu somong i olo do laos mate galpang. Dungkon Matiti di Parsingguran na ma inganan ni ribur, alai godangan marjuji disi jala martigatiga hatoban (jolma). Hea do tutu Sisinga Mangaraja XII mangulon (istirahat) di toru ni hau Sinabulan na balga di Matiti.

       Mula ni Pasar Doloksanggul ima, dungkon dipangido Residen (Bupati Bolanda) sian Tarutung asa di Matiti ma pusat (onan besar) ni Humbang Hasundutan, haboratan ma Kapalo Negeri Simanullang Toba (wilayahna 11 desa tingki on mulai topi ni Aek Sibundong tu arah Barat), ai suda ma tano (pertanian) inganan ni angka bangunan pamarenta. Gabe Sepakat ma Kapalo Simanullang Toba dohot Simamora Purba, asa didolokdolok tano kosong ma dibahen ima apala Pusat Kota (simpang opat) Doloksanggul nuaeng. Dipajongjong ma umbalga balerong disi. Ro be ma sian ragam huta dohot marga humaliang pasar i (sian Lintongnihuta, dohot na asing Negeri marjabu/martigatiga disi.) Jonok do i tu huta ni Munthe na digoari Lumban Onan.

      Di Matiti pe adong do Lumban Onan alai huta ni Simanullang. Ompungku pe di Lumban Onan Matiti hian do, mamungka huta ma di Lumban Nauli. Alani ido sahat tu saonari tano/jabu ni Ompunghu adong di Pasar Matiti. Tetanggana Munthe parsimpangtolu mamungka huta di Hutatua.
Porlu taingot sian zaman Bolanda sahat tu na merdeka RI di Sibolga do ibukota. Taon 1956 pe pinda gabe tu Medan dung dibuka Pelabuhan Belawan jala angka perkebunan Belanda gabe milik RI na godang di Sumatera Timur.
Ima jolo sian ahu.